Principal’s Message

సంగీత త్రిమూర్తులలో ప్రముఖులైన శ్రీ త్యాగరాజ స్వామి వారి పేరుతో స్టాపించబడిన శ్రీ త్యాగరాజ ప్రభుత్వ సంగీత, నృత్య కళాశాల - రాంకోటి, హైదరాబాద్ వెబ్ సైట్ ప్రారంబోత్సవ సందర్బముగా కళాభిమానులకు, విధ్యార్దులకు శుభాకాంక్షలు.

1952 వ సంవత్సరంలో పూర్వ తెలంగాణా రాష్ట్రంలో ప్రారంభమైన ఈ కళాశాల రాష్ట్రంలో మొట్టమొదటి కళాశాల. ఎందరో సుప్రసిద్దులైన ప్రిన్సిపాల్స్, అధ్యాపకులు ఈ కళాశాలలో పనిచేసారు. ఈ కళాశాలలో విధ్యార్ధులు గా వారు కాలక్రమంలో అధ్యాపకులుగా, ప్రిన్సిపాల్స్ గా పనిచేయడం ఈ కళాశాల ప్రత్యేకత.

ఈ కళాశాల పూర్వ విధ్యార్ధులు ఆకాశవాణి నిలయ విద్వాంసులుగా, ప్రభుత్వ పాఠశాలలు, కళాశాలలు, యూనివర్సిటీలలో అధ్యాపకులుగా పనిచేయుచున్నారు. ప్రతి సంవత్సరం సుమారు 1500 విధ్యార్ధులు సంగీత, నృత్యాలు అభ్యసిస్తున్నారు. సామాన్యులకు అందుబాటులో అతి తక్కువ ఫీజులతో నడపబడుచున్న ఈ కళాశాల విధ్యార్ధుల కోసం ఎన్నోకార్యక్రమాలు నిర్వహిస్తున్నది.

నెలవారీ సాంస్కృతిక కార్యక్రమాలు, బహుళ పంచమి, శ్రీ త్యాగరాజ ఆరాధనోత్సవము, వాగ్గేయ కారోత్సవము మొదలైన కార్యక్రమములు కళాశాలలో జరుపబడుచున్నవి. ఇంకనూ సాంస్కృతిక శాఖ వారి నిర్వహణలో నిర్వహిస్తున్న కళారాధన, వివిద ప్రముఖ దేవాలయములలో విధ్యార్ధులు, అద్యాపకులచే సాంస్కృతిక కార్యక్రమాలు నిర్వహిస్తున్నాము. సాంస్కృతిక శాఖ ప్రస్తుత డైరక్టర్ శ్రీ మామిడి హరికృష్ణ గారి సారధ్యంలో ఎన్నో కార్యక్రమాలు రూపొందిస్తున్నాము.

భవిషత్తులో ప్రముఖ విద్వాంసులచే సంగీత, నృత్య కార్యక్రమాలు నిర్వహించదలచాము. ఈ సందర్బంగా హైదరాబాద్ ప్రజలందరూ ఈ కళాశాల సేవలు ఉపయోగించుకొని మన సంస్కృతి సంప్రదాయాలను భావితరాలకు అందిచాలని మనసారా కోరుకొంటున్నాను.

మునికుమార్. M.A

ప్రిన్సిపాల్
S.T. ప్రభుత్వ సంగీత, నృత్యకళాశాల